“Keçmiş Müdafiə nazirinin əmri ilə tanış olduqdan sonra açıq gözlə görünür ki, nə zamansa mənzilə ehtiyacı olmamış, 5 gün İrəvanda yaşamamış, fəaliyyət göstərən qayda-qanunlara açıq şəkildə uyğun gəlməmək şəraitində mənzillər almış insanlar İrəvan şəhərində mənzil alıblar”. Ordu.az xəbər verir ki, bunu “Facebook” səhifəsində Ermənistan Baş naziri Nikol Paşinyana açıq məktubunda erməni vəkil, Ədalətli Ermənistan Partiyasının rəhbəri Norayr Norikyan yazıb.

Norikyan qeyd edib ki, Ermənistan qanunvericiliyinə və illərlə öz mənzilini gözləyən hərbçilərin hüquqlarına tüpürərək kimə istəyiblər, onlara da mənzil veriblər.

“Bu şəkildə hara qədər gedəcəksiniz? Nəhayət hökumətiniz qeyd olunan zabitləri mənzillərlə təmin etmək haqqında nə zaman qərar qəbul edəcək?”, - deyə o bildirib.

Alpər Mövludoğlu
 

Mənbə: ordu.az