Tacikistan Müdafiə Nazirliyi: "Əfqanıstanda beynəlxalq terror yuvası mövcuddur"

Əfqanıstanda acınacaqlı vəziyyət hökm sürür.

"Report" xəbər verir ki, bunu Tacikistanın müdafiə naziri, general-polkovnik Şerəli Mirzo Kollektiv Təhlükəsizlik Müqaviləsi Təşkilatının (KTMT) təlimlərinin bağlanış mərasimində bildirib.

Nazirin sözlərinə görə, burada qanuni və əhatəli hökumətin olmaması, dövlət hakimiyyəti mexanizmlərinin işləməməsi, insan hüquqlarının sistematik şəkildə pozulması əsas problemlərdəndir:

"Bu amillər Əfqanıstanı humanitar fəlakət həddinə çatdırıb. Bölgədə təhlükəsizlik və sabitliyə ciddi təhlükə yaradan isə beynəlxalq terror yuvasının mövcudluğudur".

Tacik nazir qeyd edib ki, son aylarda beynəlxalq koalisiya qoşunlarının Əfqanıstan ərazisindən çıxarılması və hökumət qüvvələrinin ölkə ərazisi üzərində müstəqil nəzarəti saxlaya bilməməsi terror fəaliyyətinin artmasına səbəb olub.

Qeyd edək ki, oktyabrın 18-dən 23-dək Əfqanıstanla sərhəddən 20 kilometr aralıda yerləşən "Harbmaydon" poliqonunda KTMT-nin Çevik Hərəkat Kollektiv Qüvvələrinin təlimləri keçirilib

Big.az

ƏVVƏLKİ XƏBƏR

Koronavirus ən çox bu orqanlara "HÜCUM EDİR"

SONRAKI XƏBƏR

"Daha yaxşı səviyyəyə qalxacağımıza inanıram" - Elmar Baxşıyev