Azərbaycan XİN Rusiyaya başağlığı verib

Azərbaycanın Xarici İşlər Nazirliyi (XİN) Kemerovo vilayətindəki "Listvyajnaya" mədənində baş vermiş qəza nəticəsində çoxsaylı insan tələfatı və xəsarət alanlarla əlaqədar Rusiyanın Xarici İşlər Nazirliyinə başsağlığı verib.

“Report” xəbər verir ki, başsağlığı Azərbaycan XİN-in tviter səhifəsində yer alıb.

“Rusiya xalqına, "Listvyajnaya" mədənində baş vermiş partlayış nəticəsində həlak olanların ailələrinə və yaxınlarına dərin hüznlə başsağlığı verir və bütün yaralıların tezliklə sağalmasını arzu edirik”, - Azərbaycanın xarici siyasət idarəsinin bağsağlığında deyilir.

Son məlumata əsasən Rusiyanın Kemerovo vilayətindəki "Listvyajnaya" mədənində baş vermiş qəza nəticəsində 52 nəfər həlak olub, xəsarət alanların sayı 57 nəfərə çatıb.

Qeyd edək ki, qəza cümə axşamı səhər saatlarında baş verib.

Faktla bağlı cinayət işi açılıb, araşdırma aparılır.

Report.az

ƏVVƏLKİ XƏBƏR

Selfi həvəsi turisti ölümlə üz-üzə qoydu - FOTO/VİDEO

SONRAKI XƏBƏR

Paytaxtda avtomobil motosikletçini vurub, sürücü hadisə yerindən yayınıb