“Hraparak”: Müharibə günlərində 2000 dəbilqə niyə Ermənistana çatmadı?

“Hraparak”: Müharibə günlərində 2000 dəbilqə niyə Ermənistana çatmadı?

“Son müharibənin günlərində baş vermiş, KTMT və AİB-də müttəfiqimiz olan Mərkəzi Asiya ölkəsinin dövlət rəsmilərinin bizə münasibətini açıq şəkildə göstərən hadisə bizə məlum oldu”. Ordu.az xəbər verir ki, bunu Ermənistanın “Hraparak” nəşrində dərc olunan məqalədə müəllif yazıb.


Qeyd olunub ki, müharibə günlərində Ermənistan Baş naziri panika içində zirehli gödəkçələri və dəbilqə götürərək yardım üçün orduya tələsməyi ermənilərdən xahiş edəndə keçmiş SSRİ-də işləyən erməni iş adamları Ermənistana 2000 dəbilqə göndərməyə çalışıblar.

“Onu alıblar, bütün mümkün hüquqi sənədləri hazırlayıblar, yüklərin daşınması ilə bağlı xərcləri ödəyiblər. Yüklərə qarşı lazımsız maraqdan yayınmaq məqsədilə erməni sahibkarlar tikinti üçün lazım olan qoruyucu papaq kimi dəbilqələr hazırlayıblar. Lakin son anda bu ölkənin iyirmiyə yaxın milli təhlükəsizlik işçisi gömrük anbarına soxulub, yükü müsadirə edib və orada olan erməniləri həbs edib”, - deyə nəşr bildirib.

Alpər Mövludoğlu
Ordu.az

 

Mənbə: ordu.az