Saakaşviliyə yeni diaqnoz qoyuldu

Gürcüstanın eks-prezidenti Mixail Saakaşvilinin müalicəsini izləyən həkimlər şurası ona posttravmatik stress pozğunluğu diaqnozu qoyub.

Bu barədə jurnalistlərə şuranın rəhbəri, “Empatiya” təşkilatının rəhbəri Mariam Cişkariani məlumat verib.

“Xəstənin həbsxanada olması və zorakılıq faktları ilə əlaqədar onda posttravmatik stress pozğunluğu sindromu təsdiqlənib. Nevroloji simptomlar da müşahidə olunur. Bilirsiniz ki, söhbət həm də Vernik ensefalopatiyasından da gedir ki, bu, aclıq aksiyasının nəticəsidir”,- deyə Cişkariani bildirib.

O, həmçinin əlavə edib ki, Saakaşvilinin stasionar multidissiplinar reabilitasiya müalicəsinə ehtiyacı var.

Xatırladaq ki, hazırda Saakaşvili Qori hərbi hospitalında müaliəcə alır.

Mənbə: TASS

Oxu.az

ƏVVƏLKİ XƏBƏR

Petr Fiala Çexiyanın baş naziri təyin olundu

SONRAKI XƏBƏR

KTMT ölkələrinin əksəriyyəti Ermənistanın bu təşkilatda olmasına baxmayaraq Azərbaycanı dəstəkləyir - Sergey Markov