Tbilisidə Saakaşviliyə dəstək aksiyası keçirilir

Gürcüstanda Tbilisi Şəhər Məhkəməsi ərazisində yenidən Mixail Saakaşviliyə dəstək aksiyası keçirilir.

“Qafqazinfo” “Interpressnews”a istinadən xəbər verir ki, aksiya iştirakçıları Saakaşvilinin məhkəməsinin keçirildiyi binanın qarşısına pencəklər gətiriblər.

İştirakçılar bunu onunla izah ediblər ki, bununla Mixail Saakaşvilinin hakimiyyətdə olduğu dövrdə dövlət əmlakını mənimsəməkdə ittiham olunması ilə bağlı bu günə təyin edilmiş məhkəmə prosesinə etiraz edirlər.

İndiyədək aksiya iştirakçılarının və media nümayəndələrinin məhkəmənin həyətinə daxil olmaq imkanı yox idisə, hazırda bu məhdudiyyət aradan qaldırılıb və etirazçılar hazırda həm məhkəmənin həyətində, həm də onun ətraf ərazisindədirlər.

Məhkəmənin ətrafına hüquq-mühafizə orqanlarının əməkdaşları cəlb olunub.

Qeyd edək ki, bu gün Tbilisi Şəhər Məhkəməsində Mixail Saakaşvilinin “Pencək işi” adlandırılan məhkəmə prosesi keçiriləcək.

Gürcü siyasətçi prezidentliyi dövründə Dövlət Mühafizəsi üzrə Xüsusi xidmətin büdcəsindən 8,8 milyon lari həcmində vəsaiti dəbdəbəli məhsullara xərcləməkdə ittiham olunur. Mənimsənilən vəsaitin isə Londonda 49,5 min lari dəyərində pencək və kəşmir palto alınmasına, eləcə də digər bahalı paltarlar, bahalı otel nömrələri, spa və s üçün xərcləndiyi bildirilir.

Qafqazinfo.az

ƏVVƏLKİ XƏBƏR

Tələbənin sosial vəziyyəti ilə bağlı problemi varsa... - Nazir

SONRAKI XƏBƏR

“Əvvəllər bir əskini alırdın, yuyurdun, qoyurdun uşağın altına...” – Əməkdar artist