Ceyhun Bayramov: "30 ilə yaxındır davam edən Qarabağ münaqişəsi başa çatıb"

“30 ilə yaxındır davam edən Qarabağ münaqişəsi başa çatıb”.

“Report” xəbər verir ki, bunu Azərbaycanın xarici işlər naziri Ceyhun Bayramov Stokholmda ATƏT Nazirlər Şurasının iclasında deyib.

“Azərbaycan, Ermənistan və Rusiya arasında üçtərəfli bəyanatın imzalanması silahlı münaqişəyə son qoydu və Azərbaycanla Ermənistan arasında davamlı sülhün bərqərar olması üçün mühüm parametr oldu”, - nazir bildirib.

Nazir əlavə edib ki, Azərbaycan münaqişədən dərhal sonra işğaldan azad edilmiş ərazilərdə genişmiqyaslı tikinti işlərinə başlayıb.

"Yalnız bu il dövlət büdcəsindən bu məqsədlər üçün 1,3 milyard manat vəsait ayrılıb", - o əlavə edib.

Report.az

ƏVVƏLKİ XƏBƏR

Çin "omikron" ştamına qarşı peyvənd hazırlayır

SONRAKI XƏBƏR

Sahil Babayev: "Azərbaycanda sosial müdafiə xərcləri artırılıb"