Tramp ABŞ-ın baş generalına “axmaq” dedi: “Məni inandırırdı ki...”

Tramp ABŞ-ın baş generalına “axmaq” dedi: “Məni inandırırdı ki...”

ABŞ-ın keçmiş prezidenti Donald Tramp ABŞ Baş Qərargah Rəisləri Komitəsinin rəhbəri, ölkənin baş generalı adlandırılan Mark Millini kobud şəkildə qınayıb.

Cebhe.info xəbər verir ki, bu barədə “Express” yazıb.

Qəzetin yazdığına görə, eks-prezident qoşunların Əfqanıstandan çıxarılmasına görə qınadığı ABŞ generalını “lənətə gəlmiş axmaq” adlandırıb. Tramp xatırladıb ki, Milli Amerika qoşunlarının çıxarılması ilə ölkədə bütün hərbi texnikanı qoyub çıxmaq onu ixrac etməkdən daha ucuz olacağına inandırmağa çalışıb.

“50 milyon dollarlıq bir təyyarəmiz var. 29 milyon dollarlıq möhtəşəm helikopterimiz var. Hər növ helikopterlərimiz var idi. Onların bir çoxu yenidir. Sözün əsl mənasında qutudan yeni çıxarılıb. Sizcə, onu orada qoymaq yarım çən benzin doldurub Pakistana aparmaq və ya ölkəmizə gətirməkdən daha ucuz başa gəlirdi?”,-deyə Tramp bildirib.

Daha əvvəl Tramp bildirmişdi ki, Rusiya və Çin ABŞ-ın Əfqanıstanda qoyduğu helikopterləri sökərək hazırlanma mexanizmini öyrənir. O iddia edir ki, Rusiya və Çində artıq Amerika helikopterlərinin nümunələri var və onlar tezliklə təkmilləşdiriləcək.

Xatırladaq ki, avqustun 15-də Amerika qoşunlarının ölkədən çıxarılması ilə “Taliban” Əfqanıstanın bütün ərazisini nəzarətə götürüb. Amerika qoşunlarının və diplomatik missiyanın Əfqanıstandan çıxarılması rəsmi olaraq 31 avqust 2021-ci ildə başa çatıb.

Xəzər
 

Mənbə: cebhe.info