“Hayastan” müxalifət blokunun və Daşnaksütyun partiyasının nümayəndəsi İşxan Saqatelyan bildirib ki, müxalifət Ermənistan-Türkiyə danışıqlarını və Ermənistan tərəfinin mümkün güzəştlərini iflasa uğratmaq niyyətindədir.

Bizim.Media xəbər verir ki, bu haqda informasiyanı “Sputnik Ermənistan” nəşri yayıb.

Jurnalistlərin “onların siyasi qüvvələrinin bunu konkret olaraq necə etmək niyyətində olduğunu” soruşduqda, Saqatelyan qeyd edib ki, mitinqlərdən tutmuş digər aksiyalara qədər geniş alətlərdən istifadə olunacaq.

Xatırladaq ki, yanvarın 14-də Moskvada Ermənistan və Türkiyənin xüsusi nümayəndələrinin münasibətlərin normallaşdırılması üzrə ilk görüşü baş tutub.
 

Mənbə: bizim.media