Bu gün Ermənistanın sabiq müdafiə naziri David Tonoyanın və hazırkı Baş Qərargah rəisi Artak Davtyanın məhkəməsi başlayır.

Bizim.Media “Sputnik Ermənistan” nəşrinə istinadən xəbər verir ki, hər iki şəxs Silahlı Qüvvələrin Baş Qərargah rəisinin müavini Stepan Qalstyan, aviasiya idarəsinin keçmiş rəisi Avetik Muradyan və silah alverçisi David Qalstyanın çinayət işi ilə bağlı ittiham olunur.

İddiaya görə, sonuncular ordu üçün yararsız hava raketləri alıblar və nəticədə 4,6 milyon dollar mənimsəyiblər. Ancaq onlar günahlarını etiraf etmirlər.

Tonoyanın vəkilləri artıq məhkəmənin açıq keçirilməsini tələb edəcəklərini bəyan ediblər. Eks-nazir özü hesab edir ki, bu iş onu və müdafiə nazirliyini gözdən salmaq cəhdidir.

Bizim.Media

Mənbə: bizim.media