Rusiya Azərbaycan-Ermənistan sərhədində vəziyyətin tənzimlənməsi üçün ardıcıl səylər göstərir - XİN

Rusiya Azərbaycanla Ermənistan arasında sərhəddə vəziyyətin tənzimlənməsi üçün ardıcıl səylər göstərir. Təəssüf ki, orada bəzən silahlı insidentlər baş verir, insan itkisi qeydə alınır.

Trend-in məlumatına görə, bu barədə Rusiya Xarici İşlər Nazirliyinin bəyanatında deyilir.

"Azərbaycan-Ermənistan sərhədinin delimitasiyası və sonrakı demarkasiyası üzrə ikitərəfli komissiyanı tezliklə formalaşdırmaq və işə salmaq lazımdır. Biz bu prosesdə Bakı və Yerevana məsləhət köməyi göstərməyə hazırıq. Hesab edirik ki, Azərbaycanla Ermənistan arasında münasibətlərin normallaşması, Cənubi Qafqazda sabitlik və təhlükəsizliyin təmin olunması prosesinə qoşulmaq istəyən iştirakçılar tərəflərin maraqlarını rəhbər tutmalı və Azərbaycan, Ermənistan və Rusiya liderlərinin üçtərəfli razılaşmalarını nəzərə almalıdır", - XİN-in bəyanatında deyilir.

(Tərcümə: Orxan Nəbiyev)

Trend.az

ƏVVƏLKİ XƏBƏR

Şəkidə narkotik alverçiləri saxlanılıb

SONRAKI XƏBƏR

Moskvada Azərbaycan filmləri həftələri keçiriləcək