Azərbaycan qlobal səviyyədə antisemitizmlə mübarizə və multikulturalizmin dəstəklənməsində öz rolunu oynayıb - BMT rəsmisi

Bakı. Trend:

Azərbaycan qlobal səviyyədə antisemitizmlə mübarizədə və multikulturalizmin dəstəklənməsində öz rolunu oynayıb.

Trend-in məlumatına görə, bunu BMT-nin Azərbaycandakı rezident əlaqələndiricisi Vladanka Andreyeva Holokost qurbanlarının xatirəsinə həsr olunmuş tədbir zamanı deyib.

"Biz bu gün Holokost qurbanlarının xatirəsini anmaq üçün toplaşmışıq. Dünyada nifrətə yer olmamalıdır, amma təəssüf ki, bu yanaşma ilə bu gün də üzləşmək mümkündür", - deyə o bildirib.

O, həmçinin Azərbaycanın qlobal səviyyədə antisemitizmlə mübarizədə və multikulturalizmin dəstəklənməsində səylərini vurğulayıb.

Qeyd edək ki, Beynəlxalq Holokost qurbanlarının anım günü münasibətilə ADA Universitetində BMT nümayəndəliyinin, İsrail və Niderland səfirliklərinin, Azərbaycan Beynəlxalq Münasibətlərin Təhlili Mərkəzi və ADA Universitetinin təşkilatçılığı ilə tədbir keçirilir.

Trend.az

ƏVVƏLKİ XƏBƏR

Azərbaycanın KOB sahəsində təcrübəsinə dair ICSB üzvləri üçün təqdimat keçirildi - FOTO

SONRAKI XƏBƏR

“JARA-2022” necə olacaq? Artistlərin sayı və adları açıqlandı - VİDEO