İsrailin Baş naziri Naftali Bennet bildirib ki, İranla 4+1 ölkələri arasında atom anlaşması canlandırılsa belə, ölkəsinin onun şərtlərinə əməl etmək öhdəliyi ölmayacaq.

Bizim.Media "Azad İran"a istinadən xəbər verir ki, o, İsrailin özünü müdafiə edəcəyini və fəaliyyət azadlığını qoruyacağını deyib.

N.Bennet ölkəsinin keçmişdə səhv edərək oktapodun başının Tehranda olduğu halda, İsrail ətrafında olan ayaqlarını kəsməklə məşğul olduğunu qeyd edib. O, artıq Tehranda oktapodun başına hücum etmək məqsədinin olduğunu vurğulayıb.

N.Bennet, həmçinin ölkəsinin Amerika və beynəlxalq birliyin İrana qarşı sanksiyaların yumşaldılmasına qarşı olduğunu bildirib.
 

Mənbə: bizim.media