ABŞ İranda baş qaldıran etirazları dəstəklədi – İki nəfər ölüb, onlarla saxlanılan var

ABŞ İranda baş qaldıran etirazları dəstəklədi – İki nəfər ölüb, onlarla saxlanılan var<span class="qirmizi"></span>

ABŞ Dövlət Departamenti (DD) İranda bir neçə gündür davam edənetiraz aksiyaları ilə bağlı bəyənat yayıb.

“Biz mətbuatda etiraz aksiyaları ilə bağlı xəbərlər görmüşük. Biz iranlıların zorakılıq və ya əsassız həbsdən qorxmadan dinc toplaşma və ifadə hüququnu dəstəkləyirik”- deyə, DD nümayəndəsi bildirib.

Xatırladaq ki, mayın 6-dan ilk olaraq Xuzistan əyalətindən başlayan ərzaq qıtlığı və bahalığa qarşı etiraz aksiyaları İranın onlarla şəhərinə yayılıb. Bir çox şəhərlərdə etirazçılara qarşı güzyaşardıcı qazdan və rezin dəyənəklərdən istifadə olunaub və mitinqləri dağıtmaq üçün bir neçə yerdə odlu silahdan atəş açıldığı səhnələrini göstərən videolar yayılıb.

Xuzistan əyalətinin Əndimeşk şəhərində xüsusi bölmələrin açdığı atəş nəticəsində Ümid Sultani adlı 21 yaşlı gənc həyatını itirib. Həmçinin güc struktrunun bir nümayəndəsinin həlak olduğu bildirilir.

İranın rəsmi mediası bir neçə gün susduqdan sonra etiraz aksiyalarının baş verdiyini yazıb, aksiyaçıların sayını az göstərməyə çalışıb. Hökumət mediası sosial şəbəkələrdə həbs olunanlar barədə geniş məlumatların yayılmasından sonra 22 nəfərin saxlanıldığını təsdiq edib.

“AzPolitika.info”

Mənbə: azpolitika.info