Kremldən ABŞ-yə “GÖZDAĞI”: Səfirliyin yerləşdiyi meydanın adı dəyişdirilir

ABŞ-nin Moskvadakı səfirliyinin yerləşdiyi meydanın adının dəyişdirilməsi təklif olunub.

Yenicag.az lenta.ru-ya istinadən xəbər verir ki, bununla bağlı müvafiq təklif Moskva hökumətinə təqdim edilib.

Məlumata görə, sözügedən təklifdə ABŞ-nin Moskvadakı səfirliyinin yerləşdiyi meydanın “Donbasın müdafiəçiləri meydanı” adlandırılması xahiş olunub.

Maraqlıdır ki, haqqında danışılan təklifə münasibət bildirən bir sıra deputatlar da bu ideyanı müsbət qiymətləndiriblər.

Bundan əvvəl isə Liberal-Demokrat Partiyası (RLDP) da analoji təşəbbüs irəli sürərək həmin meydana Jirinovskinin adının verilməsini təklif etmişdi.

Yenicag.az

ƏVVƏLKİ XƏBƏR

"Rusiya-Ukrayna müharibəsi bir daha göstərdi ki..."

SONRAKI XƏBƏR

Rusiyanın bombalarından xilas olub, başqa təhlükə ilə üzləşdi...