Vladimir Putin 3 ay aradan sonra Təhlükəsizlik Şurasının iclasını keçirəcək

Bu gün Rusiya Prezidenti Vladimir Putin Təhlükəsizlik Şurasının iclasını keçirəcək.

“Report” “RİA Novosti”yə istinadən xəbər verir ki, toplantı videokonfrans formatında baş tutacaq.

Rusiya Təhlükəsizlik Şurası sonuncu dəfə fevralın 21-də toplaşaraq separatçı “Donetsk Xalq Respublikası” və “Luqansk Xalq Respublikası”nın tanınması məsələsini müzakirə edib.

Bu dəfə tədbir iştirakçıları ölkənin informasiya infrastrukturunun təhlükəsizliyinin təkmilləşdirilməsi məsələlərini müzakirə edəcəklər. Xüsusilə, informasiya texnologiyalarından istifadə zamanı yeni təhlükələrin nəticələrinin qarşısının alınmasına yönəlmiş tədbirlər nəzərdən keçiriləcək.

Təhlükəsizlik Şurasının katibi Nikolay Patruşev qlobal informasiya məkanında Rusiyanın suverenliyinin gücləndirilməsi ilə bağlı əsas məruzə ilə çıxış edəcək.

Report.az

ƏVVƏLKİ XƏBƏR

Bakıda 34 yaşlı qadın özünü 6-cı mərtəbədən atdı

SONRAKI XƏBƏR

Baş Qərargah: "Rusiyanın Donbasda 14 hücumunun qarşısı alınıb"