Pentaqonun rəhbəri Lloyd Ostinlə Ukraynanın müdafiə naziri Oleksiy Reznikov arasında telefon danışığı olub.

"Report" xəbər verir ki, bu barədə Pentaqonun sözçüsü Con Kirbinin yaydığı yazılı açıqlamada deyilir.

Tərəflər Ukraynaya yeni hərbi yardımla bağlı mayın 23-nə planlaşdırılan ikinci koordinasiya qrupunun iclası öncəsi Kiyevin silah ehtiyaclarını müzakirə edib.

Ostin xatırladıb ki, Cozef Baydenin qərarına uyğun olaraq Ukrayna Silahlı Qüvvələrinin artilleriya, əks batareya radarı, hərbi maşınlar, sahə avadanlığı və ehtiyat hissələri ilə təmin edilməsi üçün əlavə 100 milyon dollar ayrılıb.

Mənbə: report.az