Rusiyanın dronları qurtarmaq üzrədir, sonra vəziyyət pisləşəcək - Kəşfiyyat

Rusiya Ukraynada pilotsuz təyyarələrdən istifadə ilə bağlı “Suriya konsepsiyası”nı tətbiq etməyə çalışır. Məhz buna görə də, Ukrayna ərazisi üzərindən döyüş təyyarələri göndərməkdən qorxur.

Bizimyol.info xarici mətbuata istinadla xəbər verir ki, bu barədə Britaniya Müdafiə Nazirliyi kəşfiyyat məlumatlarına istinadən məlumat yayıb. Qeyd olunub ki, PUA-lar hər iki tərəf üçün əsas rol oynayır. Amma dronların itkiləri yüksəkdir. Onlar vurulma və elektron müdaxilələrə qarşı həssasdır.

Rusiya Suriyada hazırladığı “kəşfiyyat zərbəsi” konsepsiyasını həyata keçirməyə çalışır. Orada döyüş təyyarələri və ya artilleriya tərəfindən vurulmalı olan hədəfləri müəyyən etmək üçün kəşfiyyat PUA-larından istifadə olunur.

Bununla belə, kəşfiyyatçıların fikrincə, Rusiya Federasiyasında bu tapşırıq üçün kəşfiyyat PUA-larının çatışmazlığı yarana bilər. Sanksiyalar nəticəsində onun istehsal gücünə qoyulan məhdudiyyətlər vəziyyəti daha da gərginləşdirir.

Kəşfiyyatçıların fikrincə, Rusiya pilotsuz aparatlarını indiki sürətlə itirməkdə davam edərsə, Rusiya ordusunun kəşfiyyat imkanları daha da pisləşəcək. Bu isə, əməliyyat səmərəliliyinə mənfi təsir göstərəcək.

Onlar həmçinin əlavə ediblər ki, Rusiya ekipajlı təyyarələri Ukrayna hava hücumundan müdafiə sistemlərinin təhlükəsi səbəbindən Ukrayna ərazisi üzərində uçuşlardan böyük dərəcədə yayınmağa davam edir.

Ötən gün Ukrayna Silahlı Qüvvələri Rusiyanın üç PUA-sını, bir helikopterini və bir qanadlı raketini məhv edib. Bu barədə Hərbi Hava Qüvvələri Komandanlığı bildirib.

Ukrayna tərəfi də kəşfiyyat dronlaırn istifadə edir. Amma bununla yanaşı son vaxtlar Ukrayna Türkiyənin "Bayraktar" zərbə dronlarını həm də kəşfiyyat məqsədilə istifadə etməkdədir. Bu dronlar radarlardan tahatlıqla yayına bilir deyə, az itki verir.

Türkan, Bizimyol.info

Bizimyol.info

ƏVVƏLKİ XƏBƏR

"Ekspertlərə qulaq assaydıq, indi Ukraynanın yarısında Rusiya bayrağı dalğalanmalıydı"

SONRAKI XƏBƏR

Putin generallarına qəzəblidir, onları vəzifədən uzaqlaşdırır