Ruslar bu yaşayış məntəqələrini atəşə tutub

Rusiya əsgərləri Severodonetsk istiqamətində hücumlarını davam etdirir.

Milli.Az "qafqazinfo"-ya istinadən xəbər verir ki, bu haqda Ukrayna Baş Qərargahı açıqlama yayıb.

Bildirilib ki, Rusiya ordusu Slavyansk istiqamətində Svyatogorsk, Boqorodiçnoye və Vernopolye yaşayış məntəqələrini atəşə tutub, Seversk, Slavyansk və Dovqenkiyə hava hücumu həyata keçirir, Liman istiqamətində Ukrayna ordusunu geri qaytarmağa çalışır, Ozernoe və Dibrova yaşayış məntəqələrini minaatanlardan və çoxsaylı reaktiv yaylım atəşinə tutur.

Qeyd edilib ki, Rusiya ordusu Ukrayna əsgərlərinin maddi-texniki təminatını kəsmək üçün Baxmutska istiqamətində taktiki mövqelərini yaxşılaşdırmağa çalışır.

Açıqlamada Rusiyanın Avdeyevka istiqamətində bəzi qəsəbələrə qurudan və havadan hücumlar təşkil etdiyi qeyd olunub.

Bəyanatda, həmçinin, Ukrayna ordusuna məxsus MiQ-29 qırıcısının Xerson vilayətində Rusiya qüvvələrinə məxsus Su-35 döyüş təyyarəsini vurduğu bildirilib.

Milli.Az

Milli.az

ƏVVƏLKİ XƏBƏR

G7 ölkələri enerji qiymətlərinin artımını dayandırmaq üçün tədbirlər görəcək

SONRAKI XƏBƏR

Kann Film Festivalının qalibləri müəyyənləşəcək