Çin XİN ABŞ-la münasibətlərin kursdan kənara çıxdığını açıqlayıb

Çin hakimiyyəti hesab edir ki, ABŞ-ın dövlət katibi Entoni Blinkenin Çinlə bağlı “ümumi beynəlxalq nizama ən ciddi çağırış” kimi bəyanatı iki ölkə arasında münasibətlərin kursundan ciddi şəkildə kənara çıxdığını göstərir.

“Report” xəbər verir ki, bunu Çinin xarici işlər naziri Van İ deyib.

O qeyd edib ki, ÇXR Birləşmiş Ştatların subyektiv təsəvvür etdiyi kimi deyil.

“Biz islahatların təşviqinə və açıqlığın gücləndirilməsinə kömək edirik, daha da yüksək səviyyədə qarşılıqlı faydalı əməkdaşlığa çalışırıq. Çin daha da yaxşı olacaq və dünya buna görə daha da gözəlləşəcək”, - deyə nazir bildirib.

Onun fikrincə, reallıqda Vaşinqton artıq beynəlxalq nizamın sabitliyinin pozulmasının əsas səbəbkarına çevrilib, beynəlxalq münasibətlərin demokratikləşməsinə maneəyə çevrilib.

Report.az

ƏVVƏLKİ XƏBƏR

Bayden Ukraynadan polad tədarükünü rüsumdan azad edib

SONRAKI XƏBƏR

Almaniyada dövlət katibi təsadüfən dövlət sirlərini açıqlayıb