Biz diplomatik təmsilçilik səviyyəmizi səfirliklər səviyyəsinə qaldırmaq üçün müvafiq işlərə başlamışıq.

Bunu Türkiyənin xarici işlər naziri Mövlud Çavuşoğlu Ankarada israilli həmkarı Yair Lapid ilə birgə mətbuat konfransı zamanı deyib.

Danışıqlar zamanı Türkiyə ilə İsrail arasında müsbət dialoqu konkret addımlarla inkişaf etdirmək əzminin təsdiqləndiyini bildirən Çavuşoğlu qısa müddətdə qarşılıqlı yüksək səviyyəli səfərləri davam etdirəcəklərini bəyan edib.

“Xarici işlər nazirliklərimiz arasında ikitərəfli siyasi və regional məsləhətləşmələr vacibdir. Digər tərəfdən, biz diplomatik nümayəndəlik səviyyəmizi səfir səviyyəsinə qaldırmaq üçün səylər göstəririk”, - deyə o, qeyd edib.

Nazir İsraillə təhlükəsizlik məsələlərində əməkdaşlıq etdiklərini də vurğulayıb.

İsrailin xarici işlər naziri Yair Lapid də Çavuşoğlunun sözlərini dəstəkləyərək, “Səfirimizin yaxın zamanda geri dönməsi üçün addımlar atırıq”, - deyə bildirib.

Mənbə: TRT

Mənbə: www.oxu.az