İyunun 29-da Ukrayna Prezidenti Volodimir Zelenski NATO-nun Madriddə keçirilən sammitində videokonfrans vasitəsilə çıxış edib.
AZƏRTAC xəbər verir ki, V.Zelenski çıxışında Ukraynanın məruz qaldığı hərbi əməliyyatların digər ölkələrə, NATO-nun müttəfiqlərinə keçəcəyi təqdirdə, vəziyyət daha da pisləşə biləcəyini qeyd edib.
Ukrayna Prezidenti əlavə hərbi və maliyyə yardımı istəyib. O, ölkəsinin özünü müdafiə edə bilməsi üçün ayda 5 milyard dollara ehtiyacı olduğunu bildirib.
Mənbə: azertag.az