Özbəkistan Prezidenti iğtişaşlar baş verən şəhərə getdi

Özbəkistan Prezidenti Şavkat Mirziyoyev ötən gün iğtişaşların baş verdiyi Qaraqalpaq Muxtar Respublikasının paytaxtı Nukusa gedib.

Milli.Az "qafqazinfo"-ya istinadən xəbər verir ki, prezident təyyarəsindən başqa, daha bir hökumət təyyarəsi də Nukus şəhərinə uçub.

Qeyd edək ki, Qaraqalpaq Özbəkistanın tərkibində muxtar respublikadır. Özbəkistan Prezidenti Şavkat Mirziyoyev ötən həftə Konstitusiyaya dəyişikliklərlə bağlı ümumxalq referendumunun keçirilməsi təklifi ilə çıxış edib.

Yeni layihədə Qaraqalpaqın Özbəkistan Respublikasının tərkibinə daxil olan suveren respublika olması və Qaraqalpaq xalqının ümumxalq referendumu əsasında Özbəkistanın tərkibindən ayrıla bilməsinə dair maddənin də Konstitusiyadan çıxarılması təklif edilir.

Yerli sakinlər ölkə Konstitusiyasına təklif edilən əlavə və dəyişikliklərə etiraz məqsədilə iyulun 1-də aksiya keçiriblər.

Milli.az

ƏVVƏLKİ XƏBƏR

Aİ Moldovaya 40 milyon avroluq hərbi yardım ayırır

SONRAKI XƏBƏR

Lukaşenko: "Belarus Ukraynada döyüşməyə can atmır"