İranın XİN rəhbəri: “Azərbaycan ilə münasibətlərin inkişaf etdirilməsi mərhələsindəyik”

İranın XİN rəhbəri: “Azərbaycan ilə münasibətlərin inkişaf etdirilməsi mərhələsindəyik”<span class="qirmizi"></span>

“Rəsmi Tehran və Bakı arasında münasibətlər anlaşılmazlıqdan sıx əməkdaşlığa keçid edir”.

“Report” “Mehr”ə bunu İranın xarici işlər naziri Hüseyn Əmir-Abdullahian azərbaycanlı həmkarı Ceyhun Bayramovla birgə keçirdiyi mətbuat konfransında deyib.

O bildirib ki, tərəflər bir sıra məsələləri, o cümlədən İran və Azərbaycan arasında əlaqələrin və əməkdaşlığın inkişaf etdirilməsi, iki ölkənin ərazi bütövlüyünün tanınması və dəstəklənməsi məsələlərini müzakirə ediblər.

“Ötən ilin yazında anlaşılmazlıq mərhələsindən keçdik və hazırda iki ölkənin maraqlarına cavab verən hərtərəfli münasibətlərin inkişafı mərhələsindəyik”, - İranın XİN rəhbəri deyib.

Onun sözlərinə görə, Azərbaycan və Ermənistan mövcud olan məsələlərin tərəflərin ərazi bütövlüyü və suverenliyinə hörmət əsasında, dialoq və diplomatiya yolu ilə həll edilməsinə tərəfdarıq.

Regional formatların zəruriliyini vurğulayan Hüseyn Əmir-Abdullahian Anakara səfəri çərçivəsində Tehranda İran, Azərbaycan və Türkiyə xarici işlər nazirləri səviyyəsində üçtərəfli görüşün keçirilməsi barədə razılıq əldə olunduğunu diqqətə çatdırıb.

Mənbə: report.az