Mariupolda ukraynalı əsirlərlə bağlı “tribunal” hazırlanır

Qondarma Donetsk Xalq Respublikası Mariupolda ukraynalı hərbi əsirlər üzərində “tribunal” keçirməyə hazırlaşır.

“Report” xəbər verir ki, bu barədə qondarma rejimin başçısı Denis Puşılin "Rossiya 1" telekanalının efirində danışıb.

“Əminliklə təsdiq edə bilərəm ki, tribunala hazırlıq tam bizim bu barədə dediyimiz kimi aparılır. Məhz planlaşdırdığımız şəkildə. Yəni tribunal qaçılmazdır və ilk tribunallardan biri Mariupolda olacaq”, - D.Puşılin bildirib.

Qeyd edək ki, daha öncə Mariupol Şəhər Şurası həbsxana kameralarının yerli filarmoniyanın səhnəsində yerləşdirildiyini bildirmişdi. “Tribunal”ın da orada baş tutacağı güman edilir.

Report.az

ƏVVƏLKİ XƏBƏR

Elmar Baxşıyev: "Belə azarkeşlər qarşısında oynamaq zövq verir"

SONRAKI XƏBƏR

Azərbaycan İslam Həmrəyliyi Oyunlarına qızıl medalla başlayıb - FOTO