“Ukrayna gündə 30-50 hərbçi itirir”.

“Report” xəbər verir ki, bunu Ukrayna Prezident Ofisi başçısının müşaviri Mixail Podolyak BBC-yə müsahibəsində bildirib.

“Fikrimcə, gündəlik itkilərimizin sayı 30-50 nəfərdir. Əvvəllər itkilər 100-200 arası olurdu. İndi isə gündəlik itkilərimizin sayı 2,5-3 dəfə azalıb”, - müşavir müsahibəsində vurğulayıb.

Qeyd edək ki, iyulun 15-də Ukraynanın müdafiə naziri Oleksiy Reznikov da gündəlik itkilərinin sayının 100 nəfərədək, yaralılarının isə 300-400 olduğunu bildirmişdi.

Mənbə: report.az