NATO baş katibi Kanadaya səfər edəcək

NATO-nun baş katibi Yens Stoltenberq avqustun 24-də Kanadaya səfər edəcək.

Axar.az xəbər verir ki, bu barədə Kanadanın baş naziri Castin Trüdonun mətbuat xidmətindən bildirilib.

"Baş nazir Castin Trüdo bu gün NATO-nun baş katibi Yens Stoltenberqin avqustun 24-dən 26-dək Kanadaya səfər edəcəyini açıqlayıb", - deyə mətbuat xidmətindən bildirilib.

Məlumata əsasən, Alyansın rəhbəri Kanadanın hərbi bazalarının yerləşdiyi Edmonton, Kold-Leyk və Kembric-Bey şəhərlərinə səfər edəcək.

Qeyd edilir ki, C.Trüdo və Y.Stoltenberq Avro-Atlantik təhlükəsizlik məsələlərini və Ukraynadakı vəziyyəti müzakirə edəcəklər.

Axar.az

ƏVVƏLKİ XƏBƏR

Avropa Məhkəməsi Ermənistanın Azərbaycana qarşı vəsatətini rədd etdi

SONRAKI XƏBƏR

Landsbergis Avroittifaqı artıq rusiyalılara verilmiş vizaları geri almağa çağırıb