Qazaxıstan XİN-dən Ukraynadakı "referendum"a münasibət: "Dövlətlərin ərazi bütövlüyü, suverenliyi prinsiplərindən çıxış edirik"

“Qazaxıstan dövlətlərin ərazi bütövlüyü, suverenliyi və dinc yanaşı yaşamaq prinsiplərindən çıxış edir”.

“Report” “Zakon.kz”ya istinadən xəbər verir ki, bunu Qazaxıstan Xarici İşlər Nazirliyinin sözçüsü Aybek Smadiyarov Ukraynanın Luqansk, Donetsk, Zaporojye və Xeson əyalətlərinin Rusiyaya birləşdirilməsi ilə bağlı keçirilən “referendum”a münasibət bildirərkən deyib.

Aybek Smadiyarov qeyd edib ki, Qazaxıstan Prezidenti Kasım-Jomart Tokayev BMT nizamnaməsinə əsaslanan beynəlxalq hüquq prinsipinə riayət olunmasının vacibliyini dəfələrlə açıq şəkildə bəyan edib. BMT-nin Nizamnaməsində vurğulanıb ki, üzv dövlətlər sülh və ərazi bütövlüyünə əməl olunmasını dəstəkləyirlər.

Qeyd edək ki, sentyabrın 23-27-də Ukraynanın Luqansk, Donetsk, Zaporojye və Xeson əyalətlərinin Rusiyaya birləşdirilməsi ilə bağlı “referendum” keçirilir.

Report.az

ƏVVƏLKİ XƏBƏR

Bu səhər Bakı metrosu... - FOTO

SONRAKI XƏBƏR

“Brent” markalı neftin bir barelinin qiyməti 85 dollardan aşağı düşüb