İranda etirazlarda 76 nəfər öldürülüb

İranda etirazlarda 76 nəfər öldürülüb<span class="qirmizi"></span>

İranda 11 gündür davam edən aksiyalarda 76 etirazçı təhlükəsizlik qüvvələri tərəfindən öldürülüb. AzVision.az xəbər verir ki, bu barədə İran İnsan Hüquqları təşkilatı (İHR) məlumat yayıb.

Dövlət televiziyası isə təhlükəsizlik qüvvələri daxil olmaqla ölü sayının 41-ə yüksəldiyini bildirib və bu görə etirazçıları günahlandırıb.

Norveçdə yerləşən təşkilat 20-ə yaxın jurnalistin həbs edildiyini qeyd edib.

"Etirazçılara qarşı işgəncə və pis rəftar edilir. Aksiyalarda insanlara qarşı həqiqi döyüş sursatından istifadə edilməsi beynəlxalq cinayətdir. Dünya İran xalqının fundamental hüquqları ilə bağlı tələblərini müdafiə etməlidir", - İHR direktoru Mahmud Amiri-Moghaddam bildirib.

Qeys edək ki, İranın əxlaq polisi tərəfindən saxlanılan 22 yaşlı Məhsa Əmininin ölümü ölkənin 80-dən çox şəhər və qəsəbələrdə etirazlara səbəb olub.

Aytən Zəhra
 

Mənbə: azvision.az