Praqada sülh gündəmi – Rus mediası “narazıdır”

Praqada baş tutan danışıqlar, əldə edilmiş bəzi razılaşmalar bölgəmizdə dayanıqlı və ədalətli sülhün, Azərbaycanla Ermənistan arasında, o cümlədən Türkiyə ilə Ermənistan arasında münasibətlərin normallaşması üçün, kövrək də olsa, ümidlər yaradır. Amma dünən axşamdan Rusiya TV kanallarında, mətbuatında açıq-aşkar bu anlaşmaları sual altına qoyan bəyanatlar səsləndirilir – müstəsna həyasızlıqla deyirlər ki, bu məsələdə həlledici rol, tərəflərə yeganə təsir edə biləcək güc Kremldir və rəsmi Moskvanın birbaşa iştirakı olmadan bölgədə sülh mümkün deyil.

Bu sözləri ekspert Natiq Cəfərli qeyd edib.

O bildirib ki, bu səbəbdən sərhəddə, bölgədə yeni təxribatlara hazır olmaq lazımdır:

“Cənubi Qafqazda sülh istəməyən ən böyük maneə Rusiyadır, dayanıqlı, özü də Qərbin moderatorluğu ilə yarana biləcək sülh Kremli sakit qoymayacaq, çünki bütün məsələlərin köklü həlli Moskvanın regiona təsir rıçaqlarını azalda bilər – bu isə 18-ci əsrin İmperiya modelini 21-ci əsrdə özünün ideologiyası və davranış qaydası elan etmiş Rusiya üçün əsrlərdir qurduğu primitiv “oyun qaydalarının” pozulması demək olar”.

Axar.az

ƏVVƏLKİ XƏBƏR

İsrail sahillərindəki "Hermes" yatağında yeni qaz ehtiyatları tapılıb

SONRAKI XƏBƏR

Övladının törətdiyi cinayətə görə valideyini hansı cəza gözləyir? - Hüquqşünas  AÇIQLADI