Lukaşenko dünyanı “çirkli” bombalarla hədələdi: “Təkcə Avropa titrəməyəcək” - VİDEO

 

“Bizə hücum olarsa, təsəvvür belə edə bilməzsiniz ki, necə cavab verəcəyik”.

Bunu Belarus Prezidenti Aleksandr Lukaşenko ölkəsinə hücum ehtimalı barədə suala cavab verərkən deyib.

Bu dəfə o, Avropanı “təmiz” və “çirkli” bombalarla hədələyib.

Mətbuata açıqlama verən Lukaşenko bildirib ki, artıq dəfələrlə bəhs etdiyi mifik hücuma cavab gözlənilməz və güclü olacaq. O, bu barədə artıq lazımi şəxslərə məlumat verildiyini də qeyd edib.

“Birdən kimsə bizə hücum etsə, qulaq asın, təsəvvür belə edə bilməzsiniz ki, necə cavab verə bilərik. Kimə lazımdır, bu barədə artıq demişəm. Burada biz artıq “təmiz” və “çirkli” nüvə bombası, atom bombası problemlərini müzakirə etməyəcəyik. Bu artıq müzakirə olunmur. Biz elə cavab verəcəyik ki, təkcə Avropa titrəməyəcək. Burada təkcə biz deyilik, bu, Rusiya ilə müqavilələrimizdir, Rusiya ilə ortaq qoşun qruplaşmalarımızdır”, - deyə Lukaşenko bildirib.

 

Mənbə: UNIAN

 

Oxu.az

ƏVVƏLKİ XƏBƏR

Ermənistanla İran arasında dəmir yolunun işə salınması müzakirə olunub

SONRAKI XƏBƏR

Nazir pensiya yaşı ilə bağlı məsələyə aydınlıq gətirdi