Almaniya vətəndaşlığı almaq üçün ölkənin qoyduğu tələblər yumşaldılır.
Almaniya Daxili İşlər Nazirliyi valideynlərindən heç olmasa biri Almaniyada qanuni olaraq azı beş il yaşayan, burada doğulan uşaqlara avtomatik olaraq vətəndaşlıq verilməsi, naturalizasiya yolu ilə vətəndaşlıq almaq üçün minimum müddəti səkkiz ildən beş ilə endirmək, başqa ölkənin vətəndaşlığından çıxmaq üçün mövcud tələbi ləğv etmək planlarını açıqlayıb.
Eyni zamanda yaşlı insanlar üçün dil bilmə tələbi azaldılır.
Həmçinin yaşı 67-dən yuxarı olan əcnəbilər üçün Almaniyanın tarixi və siyasi quruluşu ilə bağlı hələ də məcburi olan imtahan ləğv ediləcək.
