BMT-də Rusiya rəhbərliyinin tribunala cəlb edilməsinə dair qətnamə layihəsi hazırlanıb

Rusiya rəhbərliyinin Ukraynadakı təcavüz cinayətlərinə görə məsuliyyətə cəlb edilməsi üçün BMT-nin Nyu-Yorkdakı baş qərargahında qətnamə layihəsi hazırlanıb.

ABŞ-ın Qlobal Cinayət Ədliyyəsi üzrə səfiri Bet Van Şaakın sözlərinə görə, indiyədək BMT-nin Ukrayna ilə bağlı bütün qətnamələri qəbul edilib.

Səfir bildirib ki, hərbi cinayətlərdə ittiham olunan rusiyalıların ekstradisiya oluna bilməyəcəyi təqdirdə onların məhkəmə prosesinin qiyabi keçirilməsi də mümkündür.

“Bu, məhdud sayda müttəhimlər, yəqin ki, ən yüksək siyasi rəhbərlik və bəlkə də bəzi yüksək səviyyəli hərbi məmurlar olacaq”, - deyə Şaak əlavə edib.

Xatırladaq ki, BMT-nin təyin etdiyi müstəntiqlər artıq Rusiyanın Ukraynanın kritik infrastrukturuna hücumlarının müharibə cinayəti olub-olmadığını araşdırır.

Mənbə: rbc.ua

Oxu.az

ƏVVƏLKİ XƏBƏR

Yalın bayrağımız fonunda mahnı oxudu - Video

SONRAKI XƏBƏR

““Bəxt üzüyü 2” filmində Ramiz Əzizbəyli çatışmırdı, heç məni də dəvət etməmişdilər...”