Rusiyanın BMT-dəki daimi nümayəndəsi Vasili Nebenzya Ukrayna təmsilçinin çıxışını dinləmək istəmədiyini bildirərək Təhlükəsizlik Şurasının iclasını tərk edib.

Axar.az xəbər verir ki, rus diplomat ukraynalı həmkarı Sergey Kisilitsanın çıxışını “bəlağətli nitq” adlandırıb.

“Kiyev rejiminin ifrat bəlağətli çıxışını dinləmək istəmirəm. Bunu keçən dəfə “fövqəladə diplomat” öz tviti ilə göstərmişdi. Yaradıcılığına bələd olmayanlara şiddətlə tövsiyə edərdim. Bu, Ukrayna diplomatiyasının “yüksək” səviyyəsinin isbatıdır”, - deyə o bildirib.

Mənbə: axar.az