Ukrayna infrastrukturuna zərbələr endirməyə davam edəcəyik - Vasili Nebenzya

Rusiya Vladimir Zelenski rejiminin hərbi potensialını zəiflətmək üçün silahlı birləşmələrə dəstək üçün istifadə edilən Ukrayna infrastrukturuna zərbələr endirməyə davam edəcək. "Ölkə.az" xəbər verir ki, bunu Rusiyanın BMT-dəki daimi nümayəndəsi Vasili Nebenzya qurumun Təhlükəsizlik Şurasının iclasında bildirib.

"Qərb ölkələri Ukraynaya silah tədarükünü davam etdirəcəklərini vəd edir, guya sülh naminə bunu edirlər. Məsələn, Avropa İttifaqı silah tədarükünü maliyyələşdirir. Avropa Sülh Fondu, yəqin ki, öz vergi ödəyicilərini çaşdırmaq istəyir”, - Nebenzya bildirib.

“Ukrayna Təhlükəsizlik Şurasının katibi Aleksey Danilov bu yaxınlarda açıq şəkildə bildirdi ki, onun ölkəsinin silaha ehtiyacı var, çünki rusiyalıları “sadəcə məhv etmək lazımdır ki, onlar bir ölkə kimi mövcud olmasınlar. Cənab Danilov Ukrayna xalqına layiq deyil” - Nebenzya deyib.

“Düşünürəm ki, Kiyevin bu cür nifrət dolu ritorikasına cavab verməyə bilmərik və onun düşmənçilik hərəkətlərinə, o cümlədən Ukrayna silahlı birləşmələrinin hərbi təchizatı, maddi-texniki təchizatı və rabitəsi üçün istifadə olunan infrastrukturuna niyə zərbələr endirəcəyimizi izah etmək artıq olar. Başqa sözlə, biz Zelenski rejiminin hərbi potensialını zəiflədəcəyik”, - deyə Nebenzya fikirlərini yekunlaşdırıb.

Rusiya Silahlı Qüvvələrinin Ukrayna infrastrukturuna hücumlar oktyabrın 10-da - Krım körpüsündə terror aktından iki gün sonra başlayıb, onun arxasında Rusiya hakimiyyətinin fikrincə, Ukrayna xüsusi xidmət orqanları dayanır. Zərbələr ölkənin bütün ərazisində enerji, müdafiə sənayesi, hərbi komandanlıq və rabitə obyektlərinə endirilir. O vaxtdan bəri hər gün Ukrayna vilayətlərində, bəzən isə ölkənin hər yerində hava hücumu xəbərdarlığı elan edilir.

Elvin

Ölkə.az

Olke.az

ƏVVƏLKİ XƏBƏR

Doğma komandası ilə böyüdüyü ölkəni çempionatdan uzaqlaşdıran futbolçu - FOTO

SONRAKI XƏBƏR

KİV: “Rusiya İran istehsalı PUA-larla Ukraynaya yenidən hücum etməyə başlayıb”