İki il fəhlə işləyib, bir il sədr olan BDU-nin müəllimi – UNUDULAN MƏMURLAR

İki il fəhlə işləyib, bir il sədr olan BDU-nin müəllimi – UNUDULAN MƏMURLAR<span class="qirmizi"></span>

Vaxtı ilə vəzifədə idilər. Hər kəs onları tanıyır və demək olar qibtə edirdilər.

Amma indi…

İndi isə unudulanlar siyahısındadırlar. Onlardan bəziləri xaricdə yaşayır. Hazırda iş-güc sahibi olanlar da var. Amma bir çoxu təqaüdlə dolanır.

Lent.az vaxtilə yüksək dövlət vəzifələrində çalışan və hazırda unudulan sabiq məmurlarla bağlı layihəsini davam etdirir.

Layihəmizdə bu dəfə Dövlət Gömrük Komitəsinin keçmiş sədri İbrahim Vəliyevdən bəhs edəcəyik.

Vəliyev İbrahim Əli oğlu 1948-ci il iyulun 1-də Ermənistan Respublikası Əşdərək rayonunun Nəzərəvan kəndində anadan olub.

Onun ailəsi 1949-cu ildə Azərbaycanın Kürdəmir rayonunun Atakişili kəndinə deportasiya edilib.

1954–1965-ci illərdə Atakişili yeddillik məktəbində və Kürdəmir şəhər 1 saylı orta məktəbində təhsil alıb. Orta məktəbi bitirdikdən sonra iki il fəhlə işləyib.

1967–1972-ci illərdə Azərbaycan Dövlət Universitetinin hüquq fakültəsində təhsil alıb. 1972–1974-cü illərdə sovet ordusunda leytenant rütbəsində qulluq etmiş və baş leytenant rütbəsində tərxis edilib.

1974-cü ildən etibarən Bakı Dövlət Universitetinin hüquq fakültəsinin "Mülki hüquq" kafedrasında müəllim işləyir.

1992–1993-cü illərdə Dövlət Gömrük Komitəsinin sədri vəzifəsində işləyib.

İbrahim Vəliyev uzun illər Azərbaycan Xalq Cəbhəsi Partiyası sədrinin müavini, Ali Məclisin və Rəyasət Heyətinin üzvü olaraq siyasi fəaliyyət göstərib.

O, 2011-ci ildə partiyadan istefa verib.

İbrahim Vəliyev müsahibələrinin birində Səfər Mehdiyevdən Dövlət Gömrük Komitəsinin sədri vəzifəsindən istefa veməsini tələb etmişdi.

Gömrük Komitəsinin keçmiş sədri hazırda Deportasiya Qurbanları Cəmiyyətinin İdarə Heyətinin üzvüdür.

Mənbə: lent.az