Rövşən Əsgərov Rusiyada xarici agent elan olundu

Rusiya Ədliyyə Nazirliyi xarici agentlər siyahısına “The Bell” nəşrini əlavə edib. Onun bir sıra əməkdaşları reyestrdə ayrıca xarici agent kimi deyil, “iştirakçı” kimi qeyd olunub.

Reyestrə həmçinin “Dojd” telekanalının jurnalisti Mixail Fişman, ictimai xadim Rostislav Morquzalov və filosof Ruben Apresyan da daxil edilib.

Bununla yanaşı, xarici agentlərin siyahısını “Nə? Harada? Nə zaman?” oyununda ekspert olan Rövşən Əsgərovun adı salınıb.

Qeyd edək ki, bu il mayın sonunda Moskvanın Basmannı məhkəməsi onu sosial şəbəkədə marşal Georgi Jukov haqqında mesaj dərc etdikdən sonra başlayan nasizmin reabilitasiyası ilə bağlı iş çərçivəsində qiyabi həbs edib. Rusiya Federasiyası Daxili İşlər Nazirliyi həmyerlimizi axtarışa verib, lakin o bundan bir qədər öncə Rusiyanı tərk edib.

Oxu.az

ƏVVƏLKİ XƏBƏR

Yaponiya, Böyük Britaniya və İtaliya birgə reaktiv qırıcı yaradacaq

SONRAKI XƏBƏR

Aİ koronavirusa qarşı vaksinlərin alınması ilə bağlı müqavilələri təcili azaltmağa çağırıb