Ermənistanın daxili işlər nazirinin müavini David Ambaryanın gəlir deklarasiyasını gizlətdiyi məlum olub.

Bu barədə “Report” “Hetq.am”a istinadən xəbər verir.

Qeyd edilir ki, Korrupsiyanın qarşısının alınması üzrə Komissiyanın elanları reyestrində David Ambaryan tərəfindən təqdim olunan son gəlir bəyannaməsi 2021-ci il tarixli - İrəvanın şəhər merinin katibi kimi illik bəyannaməsi olub.

Daxili işlər nazirinin yeni müavini daşınmaz əmlak olaraq, 2000-ci ildə İrəvanın Açapnyak rayonunda və 2012-ci ildə Moskvada aldığı mənzilləri elan edib. David Ambaryan qeyd edib ki, 2021-ci ildə Moskvakı mənzilini 6,8 milyon rubla Tatyana Fadeyevaya kimi təqdim etdiyi şəxsə satıb.

Ambaryan gəlir deklarasiyasında 2 avtomobilinin 2011-ci ildə aldığı “Nissan”ı və 2019-cu ildə aldığı “Kia”nı qeyd edib.

“Ötən ilin əvvəlində, daxili işlər nazirinin müavini David Ambaryanın bank hesabında, cəmi 557 min dram var idi, ancaq ilin sonunda bank hesablarının miqdarı 2 milyon 321 min dram vardı.

Bundan əlavə, David Ambaryan həmçinin 30 min ABŞ dolları, 22 min avro və nağd pul kimi 8,5 milyon dramının olduğunu açıqlayıb”, - “Hetq.am” vurğulayıb.

David Ambaran gəlir olaraq İrəvan meriyasından 7 milyon 897 min dram və “Ameriabank”dan 4 milyon 913 min dramdan ibarət kreditini elan edib.

“Lakin David Ambaryan, daxili işlər nazirinin digər müavini Kamo Sutsulyan kimi özəl şirkətdə payının olduğunu elan etməyib. O, 18 sentyabr 2018-ci ildə Vanadzorda səhmlərinin 50 faizi özünə məxsus olan “D-Art” MMC-ni yaradıb. Ermənistanın Dövlət Gəlirləri Komitəsinin məlumatına görə, bu şirkət “fast food” xidmətləri ilə məşğuldur.

Yeri gəlmişkən, David Ambaryan səhm payını gizlətməsi ilə yanaşı, İrəvanın şəhər meriyasındakı iş dövründə də intizamsızlığı ilə fərqlənib. Yerevan meri Qraç Sarqsyanın 2022-ci ildəki 4 may qərarına görə, David Ambaryan meriyanın inzibati iclaslarında üzrsüz səbəblərdən iştirak etmədiyinə görə ona ciddi töhmət elan olunub”, - nəşr vurğulayıb.

Qeyd edək ki, Ermənistanın Daxili İşlər Nazirliyinin (DİN) yaradılmasından sonra Baş nazir Nikol Paşinyanın qərarı ilə David Ambaryan fövqəladə hallar nazirinin müavini vəzifəsindən azad olunaraq daxili işlər nazirinin müavini təyin edilib.

David Ambaryan 2022-ci ildə baş nazirin imzaladığı qərarla fövqəladə hallar nazirinin müavini təyin olunub. Bundan əvvəl, 17 fevral 2021-ci il tarixindən etibarən İrəvanın şəhər merinin katibi vəzifəsini icra edib.

Xatırladaq, daha əvvəl daxili işlər nazirinin digər müavinləri Kamo Sutsulyan, Aram Ovanannisyan və Arpin Sarqsyanın da gəlir deklarasiyalarını gizlətdikləri məlum olub.

Mənbə: report.az