“1918-ci il mayın 29-da İrəvanın ermənilərə verilməsi məsələsi müzakirə olunur. Bu tarixə qədər belə bir məsələ müzakirə olunmayıb”.

Bunu Bizim.Media-ya müsahibəsində AMEA-nın Tarix İnstitutunun Qərbi Azərbaycan tarixi şöbəsinin müdiri, tarix üzrə fəlsəfə doktoru Cəbi Bəhramov deyib.

“Hətta Tələt paşa, Ənvər Paşa tərəfindən yazılan məktubda bu güzəştin edilməməsi istənilib”, - deyə əlavə edən tarixçi alim bir çoxlarının İrəvanın verilməsi məsələsində Osmanlı dövlətini günahlandırmasının doğru olmadığını deyib:

“Çoxları İrəvanın verilməsini Osmanlı hökumətinin üzərinə yıxmaq istəyir. Bu qətiyyən belə deyil. Biz kimisə ittiham etmirik. Söhbət buraxılan səhvin bu millətə necə baha başa gəlməsindən gedir. İstər Nəriman Nərimanov olsun, istərsə də Cümhuriyyəti yaradanlar. Bunlar da insandır və səhv edə bilərdilər. O səhvin bu millətimn başına gətirdiyi bəlalar göz qarşısındadır”.
Məsələnin tarixçi alim tərəfindən geniş izahını videomaterial şəkilində təqdim edirik:

Mənbə: bizim.media