Ukraynanın işğalı və beynəlxalq sanksiyalar Rusiyanın etibarlı silah ixracatçısı kimi rolunu sarsıdıb.

Publika.az “European Truth”a ("Avropa həqiqəti") istinadən xəbər verir ki, bu barədə Böyük Britaniya Müdafiə Nazirliyinin kəşfiyyat icmalında deyilir.

Bildirilir ki, hələ işğaldan əvvəl Rusiyanın beynəlxalq silah bazarındakı payı azalırdı. İndi, ziddiyyətli ehtiyaclarla üzləşən Rusiya, demək olar ki, Ukraynadakı qüvvələri üçün yeni yaradılmış silahların ixrac tərəfdaşlarına tədarükə üstünlük verəcək.

Böyük Britaniya kəşfiyyatı bildirir ki, komponentlərin çatışmazlığı zirehli maşınlar, hücum helikopterləri və hava hücumundan müdafiə sistemləri kimi ixrac üçün avadanlıqların istehsalına təsir göstərə bilər.

Bundan əlavə, Rusiyanın ehtiyat hissələri və texniki xidmət kimi mövcud ixrac müqavilələrini dəstəkləmək üçün xidmətlər göstərmək qabiliyyəti ən azı növbəti 3-5 il ərzində ciddi şəkildə pozulacaq.

 

Xatırladaq ki, avqust ayında Britaniya kəşfiyyatı bildirmişdi ki, Ukraynada öz qüvvələrinin silahlarına müstəsna tələbat və Qərbin sanksiyalarının artan təsiri səbəbindən Rusiyanın zirehli texnikalar üzrə bəzi ixrac sifarişlərini yerinə yetirə bilməyəcəyi ehtimalı azdır.

Adəm

 

Mənbə: publika.az