Rusiya Prezidenti Vladimir Putin qoşunlara mart ayına qədər Ukraynanın Donetsk və Luqansk vilayətlərinin bütün ərazisini ələ keçirməyi əmr edib.

Axar.az xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Çernyak deyib.

Onun sözlərinə görə, Rusiyanın kütləvi hücuma və ölkənin şərqini ələ keçirməyə yeni cəhdə hazırlaşdığına işarələr var.

“Biz müşahidə edirik ki, Rusiya qüvvələri şərqə əlavə hücum qrupları, bölmələr, silah və hərbi texnika yerləşdirir”, - kəşfiyyatçı bildirib.

Mənbə: axar.az