Hulusi Akar elan etdi: “Tezliklə başlayırıq”

Hulusi Akar elan etdi: “Tezliklə başlayırıq”<span class="qirmizi"></span>

 

“Tezliklə “Kızıl Elma” döyüş təyyarəsini istifadə etməyə başlayacağıq”.

Teleqraf.com xəbər verir ki, bunu Türkiyə müdafiə naziri Hulusi Akar deyib.

“Terrorla mübarizə həm ölkə daxilində, həm də sərhədlərin o tərəfində davam edir. Bu əməliyyatlar özünümüdafiə çərçivəsində həyata keçirilir. Əməliyyatlar son terrorçu zərərsizləşdirilənə qədər davam edəcək”, - nazir bildirib.

Akar Türkiyə sərhədlərinin ən qabaqcıl vasitələrlə qorunduğunu söyləyib: “Yeganə hədəfimiz terrorçulardır. Amma bu məsələni təhrif edirlər və buna qarşı ayıq-sayıq olmaq lazımdır”.

Qardaş ölkənin müdafiə naziri hərbi sənayedəki nailiyyətlərinə də diqqət çəkib:

“Yerli PUA-larımız, tanklarımız, helikopterlərimiz hazırlanıb və istehsal olunmaqdadır. Çatlasalar da, partlasalar da, öz döyüş təyyarəmizi hazırlayacağıq. Tezliklə “Kızıl Elma”nı istifadə etməyə başlayacağıq”.

Mənbə: teleqraf.com