Rusiya qoşunlarının qarşısında bundan sonra Donetsk və Luqansk vilayətlərini tamamilə işğal etmək məqsədi dayanır. Onların itkilərin yerino doldurmağa vaxtı yoxdur.
Bunu hərbi ekspert, Ukrayna Silahlı Qüvvələrinin polkovniki Petr Çernik deyib.
“Düşmən ötən il oktyabrın 7-də bu strateji qərarı verib .Putinin həqiqətən də buna ehtiyacı var. Gələn həftədən o, yenidən Rusiya Federasiyasının prezidenti postuna təyin olunacaq. Onun çox vacib bir rituala, müvəffəqiyyətə ehtiyacı var. Onun fikrincə, iki rayonun və Kupyansk qovşağının tam “azad edildiyini” elan etmək çox vacibdir”, - deyə ekspert bildirib.
Zabit Kupyanskın da çox vacib məntəqə olduğunu vurğulayıb. Çünki orada böyük dəmir yolu qovşağı var.
O əlavə edib ki, Rusiya Federasiyasının cəbhədəki itkilərini tam bərpa etməyə vaxtı yoxdur, çünki onların səfərbərlik resursu hazırda Ukrayna Müdafiə Qüvvələrinin məhv etdiyi rusiyalı hərbçilərin sayından azdır.
"Onlar gündə 1000-1200-dən çox insanı döyüş meydanında əvəz edə bilmirlər. Rusiyanın səfərbərlik resursunun yuxarı həddi ayda 30 minə qədərdir. Biz isə artıq belə rəqəmlərlə necə işləməyi bilirik. Hələlik, Avdeyevka istisna olmaqla, rusların dərinliyə yarıb keçmə əməliyyatları 15 kilometr də təşkil etmir”, - ekspert qeyd edib.
Zaur
Mənbə: www.bakupost.az
scorpion.az