Ceyhun Bayramov bu gün Türkiyəni yeni XİN başçısı təyin olunan Hakan Fidanı təbrik edib. 

Bizim.Media xəbər verir C. Bayramov bu barədə rəsmi “Twitter” səhifəsində paylaşım edib. 
“Qardaş Türkiyənin yeni xarici işlər naziri vəzifəsinə təyin edilmiş cənab Hakan Fidanı səmimi qəlbdən təbrik edir, bu şərəfli vəzifədə uğurlar arzulayıram! Azərbaycan-Türkiyə arasında qardaşlıq və müttəfiqlik münasibətlərinin daha da möhkəmlənəcəyinə əminəm”, - deyə nazir qeyd edib. 

O,digər paylaşımında isə sabiq XİN başçısı Mövlud Çavuşoğluya gələcək işlərində uğurlar arzulayıb:

“Türkiyə Respublikasının xarici işlər naziri vəzifəsində böyük nailiyyətlərə imza atmış, Azərbaycan-Türkiyə əlaqələrinin inkişafı naminə misilsiz xidmətləri olan qardaşım Mövlud Çavuşoğluna dərin minnətdarlığımı bildirir, gələcək fəaliyyətində müvəffəqiyyət arzulayıram!”. 

Mənbə: bizim.media