Rusiya Prezidenti Vladimir Putin inauqurasiya mərasiminə yenilənmiş "Aurus" avtomobili ilə gələcək.

Rus liderin yeni avtomobili ilk dəfə "Rossiya-1" telekanalında yayımlanan "Moskva. Kreml. Putin" proqramının efirində nümayiş etdirilib.

Yaradıcıları avtomobildə bir sıra dəyişikliklər edildiyini açıqlayıb. Optika, radiator barmaqlığı, qabaq bamper, kapot, qanadlar dəyişib. Qeyd edilib ki, "Aurus"un dizaynı tamamilə yerli mütəxəssislər tərəfindən hazırlanıb.

Xatırladaq ki, Vladimir Putinin andiçmə mərasimi mayın 7-də keçiriləcək.

Mənbə: publika.az