Zelenski Fransaya, sonra da İtaliyaya gedəcək: Nə tələb edəcək?

Zelenski Fransaya, sonra da İtaliyaya gedəcək: Nə tələb edəcək?

Ukrayna prezident Vladimir Zelenski iyun ayında müttəfiq qoşunlarının Normandiyaya çıxması şərəfinə Fransada keçiriləcək tədbirlərdə iştirak etmək niyyətindədir.

Zelenski daha sonra İtaliyada G7 toplantısında iştirak etməyi planlaşdırır.

O, tərəfdaşlarından Ukrayna üzərində Rusiya raketlərini vurmağı, Ukrayna Silahlı Qüvvələrinə daha çox yardım göstərməyi xahiş edəcək.

“Politico” dövlət başçısının planları ilə tanış olan iki həmsöhbətə istinadən qeyd edib ki, Ukrayna prezidentinin iş qrafiki dəyişə də bilər.

Lakin hər şey plana uyğun getsə, Zelenski səfərdən istifadə edərək Qərbdən daha çox hərbi dəstək istəyəcək və NATO-dan Rusiya raketlərini vurmağı xahiş edəcək.

Zelenski həmçinin ABŞ və Avropa ölkələrini Ukraynanın müdafiəsi və gələcək yenidən qurulmasını maliyyələşdirilmək üçün Rusiyanın aktivlərini ələ keçirməyə çağıracaq.

Tural

Mənbə: publika.az