Rusiya müvafiq beynəlxalq təşkilat və strukturlardan, ilk növbədə YUNESKO-nun baş direktorundan Donetsk Xalq Respublikasında (DXR) ukraynalı silahlıların hücumu nəticəsində həlak olan news.ru-nun müxbiri Nikita Tsitsaqinin qətlini pisləməyi tələb edib.

Bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarovanın departamentin saytında dərc olunmuş şərhində bildirilib.

O, Tsitsaqinin qətlinin çoxsaylı dinc əhalinin həyatına görə məsuliyyət daşıyan Bandera rejiminin növbəti ağır cinayəti olduğunu vurğulayıb. XİN günahkarların layiq olduqları cəzanı alacaqlarına əminliyini ifadə edib.

"Biz müvafiq beynəlxalq təşkilatlardan və strukturlardan, ilk növbədə, jurnalistlərə hücum və qətil hallarına cavab vermək üçün birbaşa məsuliyyət daşıyan YUNESKO-nun baş direktorundan bu soyuqqanlı cinayəti dərhal və qətiyyətlə pisləməyi tələb edirik", - deyə Zaxarova bildirib.

Mənbə: iz.ru

Mənbə: oxu.az