Kiyev, 9 oktyabr, AZƏRTAC
Ukraynanın “Spetstexnieksport” dövlət şirkəti Kiyevdə keçirilən “Silahlar və təhlükəsizlik - 2019” sərgisi çərçivəsində Türkiyənin “Aselsan” şirkəti ilə 6 milyon dollar dəyərində UKB radiostansiyasının alınması barədə saziş imzalayıb.
Bu barədə AZƏRTAC “Ukroboronprom”un saytına istinadla xəbər verir.
Türkiyə istehsalı olan hərbi radiostansiya Ukrayna ordusuna 2020-ci il ərzində çatdırılacaq. Bu radio sistem Ukrayna Müdafiə Nazirliyi üçün rabitə sahəsində yeni texnologiyanın tətbiqinə imkan verəcək.
Emil Hüseynli
AZƏRTAC-ın xüsusi müxbiri
Kiyev
Mənbə: azertag.az