Ərdoğan AB səlahiyyətlilərini, ölkənin sərhədlərini açaraq suriyalı qaçqınları Avropaya buraxmaqla təhdid edib...
Türkiyə Prezidenti Rəcəb Tayyib Ərdoğan, Avropa Birliyi səlahiyyətlilərinin Suriyadakı "Barış pınarı" hərbi əməliyyatını pisləməsini tənqid edib.
İnterAz TASS-a istinadən xəbər verir ki, Ərdoğan AB səlahiyyətlilərini, ölkənin sərhədlərini açaraq suriyalı qaçqınları Avropaya buraxmaqla təhdid edib.
"Ey, Avropa Birliyi, özünü ələ al! Əməliyyatımızı işğal adlandırmağa cəhd etsəniz, işimiz çox sadədir - sərhəd məntəqələrini açacayıq və 3,6 milyon qaçqını siz tərəfə buraxacayıq", o deyib.
Xatırladaq ki, ötən gün Türkiyə Silahlı Qüvvələri "Azad Suriya Ordusu" ilə birlikdə “Barış pınarı” antiterror əməliyyatına başlayıb.
Mənbə: www.interaztv.com