Azərbaycan siyasi səhnəsində ümumi olaraq 81 siyasi partiya mövcuddur.
Bunlardan 59-u rəsmi dövlət qeydiyyatına alınan, 22-si ilə qeydiyyatsız fəaliyyət göstərən partiyalardır. İstər rəsmi qeydiyyatı olan, istər olmayan partiyalar arasında aktiv fəaliyyət göstərənlərin sayı 15-dən çox deyil.
Cebhe.info-nun araşdırmasına görə, rəsmi fəaliyyət göstərən 59 partiyanın dördü bu il dövlət qeydiyyatına alınıb, birinin isə adı dəyişdirilib. Belə ki, bu ilin 16 aprelində Ədliyyə Nazirliyinin qərarı ilə Yeni Zaman Partiyası (Sədr Musa Ağayev) və Azad Demokratlar Partiyası (AzDP) (Sədr Sülhəddin Əkbər), 7 mayda isə Cümhuriyyət Xalq Partiyası (CXP) (Sədr Bədrəddin Quliyev) və Müstəqil Xalq Partiyası (MXP) (Sədr Əflan İbrahimov) rəsmi dövlət qeydiyyatına alınıb.
Cari ilin 22 iyun tarixində isə Nazirliyin qərarı ilə Vahid Azərbaycan Partiyasının (VAP) adında və nizamnaməsində edilən dəyişikliklər təsdiq edildi. Həmin tarixdən etibarən VAP rəsmi olaraq Ağ Partiya adı ilə fəaliyyət göstərməyə başladı. Qeyd edək ki, Ağ Partiyanın sədri Tural Abbaslıdır.
Qeyd edək ki, hələ də qeydiyyat gözləyən 22 siyasi partiya var.
Bunlar: Milli Cəbhə Partiyası (Sədr Razi Nurullayev), Respublikaçı Alternativ Partiyası (Sədr İlqar Məmmədov), Haqq Ədalət Partiyası (Sədr Əli İnsanov), Azərbaycan İslam Partiyası (Sədr əvəzi İ.Əliyev, Azad Azərbaycan Partiyası (Sədr Faiq Həsənov), Azərbaycan Demokratik İstiqlal Partiyası (Sədr Vaqif Kərimov), Azərbaycan Dünyəvi Bozqurd Partiyası (Sədr Şakir Quliyev), Azərbaycan Xalqlarının Demokratik Partiyası (Sədri yoxdur), Azərbaycan Xalq Sosialist Partiyası (Sədr Rövşən Hüseynov), Azərbaycan Sosialist Partiyası (Sədr Elşən Həsənov), Azərbaycan Yeni Nəsil Kommunist Partiyası (Sədr Niyazi Rəcəbov), Azərbaycanın Ləyaqətli Övladlarının Vəhdəti Partiyası (Sədr Rza Səfərsoy), Can Azərbaycan Naminə Partiyası (Sədr Ramiz Tağıyev), Çağdaş Turan Partiyası (Sədr Arif Tağıyev), Demokratik Birlik Partiyası (Sədr Mirfazil Həmid), Doğru Yol Partiyası (Sədr Kəramət Salayev), Gələcək Azərbaycan Partiyası (Sədr Ağasif Şakiroğlu), İslam Demokrat Partiyası (Sədr Tahir Abbaslı), Milliyətçi Hərəkat Partiyası (Sədr Valeh İbadov), Turan Partiyası (Sədr Cahandar Bayoğlu), Xalq Azadlıq Partiyası (Sədr Valeh Mirzəyev) və Yeni Turan Partiyasıdır (sədr Rövşən Məmmədli).
Vilayət Muxtar
Cebhe.info
Mənbə: cebhe.info
scorpion.az